Hyllestad kommune er ein kystkommune ved munninga av Sognefjorden. Kommunen har tre bygdesentra: Leirvik, Sørbøvåg og Hyllestad – elles spreidd busetnad.
I Leirvik ligg største arbeidsplassen i kommunen: Havyard Leirvik AS som er eit moderne skipsverft – her finn du elles Leirvik Kro og Motell, barnehage og handel og andre serviceverksemder. På Sørbøvåg ligg verksemder innan bygningsbransje og handel, samt barnehage og sjukeheim.
Hyllestad er kommunesenteret – her ligg Kommunehuset, Hyllestad skule, handel og service. I Hyllestad kan du oppleve ein variert vestlandsnatur frå sjø til fjell på rydda stiar eller langs den Trondhjemske Postvei. Her er elles gode mogelegheiter for arbeid og rimelege leigebustader og tomter.
Hyllestad kommune ønskjer å stimulere til eit variert arbeidstilbod, og kan i samband med næringsetablering hjelpe til med råd og rettleiing, samt tilskot frå kommunen sitt næringsfond.
