Ulvesund Fyr ligg idyllisk til i Ytre Nordfjord, 10 min frå Måløy, og tar imot gjestar året rundt.
På Ulvesund Fyr får du unike opplevingar, ny inspirasjon og garantert god nattesøvn. Frå den gamle fyrlykta ser du rett ut mot Stadt, og kan nyte solnedgangen i seine kveldstimar. I fyrkafeen serverast både heimelaga mat frå havet og hagen, og heimelaga sangar ved fyrvertinne Sølvi Helen Hopland. I hagen tuslar dei to folkekjære fyr-geitene rundt og er både grasklipparar og miljøskaparar. Er du av dei kreative, kan du låne malesaker, eller benytte deg av keramikkverkstaden. Ein kan leige båt, fiske frå kaia eller gå flotte fjellturar, ta med kaffe og tilbringe ein dag på Stadtlandet, eller besøke dei andre fyra i området; Kråkenes Fyr og Skongenes Fyr.
Du kan lese meir om oss her: www.ulvesundfyr.no www.fyr.no/fyra/ulvesund/ulvesund.html www.nordfjord.no http://booking.nordfjord.no www.musikkonline.no http://home.no.net/shopland/
Vi tar imot overnattingsgjester og grupper heile året. Kafeen er dagopen frå 15. juni til 15. august, 12-18. Vi har også ope i påska, og ein del søndagar frå påske til 15. juni, og til oktober. Det sikraste utanom sesong er å ta ein telefon eller sende ein sms og forsikre seg om at det er ope.
Vi tar imot skuleklasser til “Kreativ skuledag”, der dei kan velge baking, låtskriving/musikk, drama, friluftsliv, teikning/maling, keramikk m.m. Fyrsafari blir lagt inn i programmet om ein har god nok tid. Overnattingsmuligheter for 1 klasse.
Ein flott plass for personalturar med fokus på å oppleve, arbeide, sosialisere og få ny input, kreative utfordringar. Vi serverer heimelaga mat og god kaffe, og bidrar også med kulturinnslag. Hurtigbåt frå Bergen dagleg kl. 16.30 og retur dagleg kl. 15.35. Båten tar 4,5 timar.
