Sunnfjord Skisenter AS driv alpinanlegget Blomlia i Kråkenesmarka, 8 km frå Førde sentrum på vegen mot Askvoll. I 2009 fekk vi nytt lysanlegg i familieløypa.
Anlegget har hovudnedfart, ei familieløype og ein barnebakke. Anlegget har Wc, varmestove og kiosk.
Anlegget har vore i drift sidan 1985. Bakken ligg frå 340 – 600 moh og har ei lengde på 1100 meter. I 1998 vart det investert i snøproduksjonsanlegg, der 3 lågtrykkskanoner kan produsere 2-3000 kubikkmeter snø i døgnet, avhengig av vertilhøve. Etter at snøproduksjonen kom i gang, har bakken hatt stabil drift på mellom 75-100 driftsdøgn pr.sesong. Bakken har ein tallerken heis med maks kapasitet 900/time som kvart år fraktar ca 110.000 passasjerturar, og eit tautrekk for barn og nybegynnarar.
