Sogn Reiseformidling har spesialisert seg på temareiser der historie- og kulturopplevingar står sentralt. Vi legg også stor vekt på trivsel og sosialt fellesskap på turane våre. Brørne Arne og Rasmus Sunde er reiseleiarar og guidar under heile turen til USA og Canada (Vancouver, Poulsbo og Seattle). Dei er spesialistar på emigrasjon. I tillegg har dei solid erfaring som turleiarar sidan dette er åttande gongen dei har ansvaret for turopplegg dit. Arne er lektor med hovudfag i nordisk og i emigrantlitteratur. Han har studert på St. Olaf College i Minnesota, og har dessutan vore lærar på eit college i Midtvesten. Rasmus er førsteamanuensis på Høgskulen i Sogndal og har doktorgrad i emigrasjonshistorie. Han skal undervise på Augustana College i S-Dakota i vårsemesteret 2005.
