IO.NO

Mer informasjon

Seljord Personal AS har fleire arenaer som kvar enkelt kan utvikle seg på. Vi har tilsette som er godt rusta gjennom utdanning og praksis/yrkeserfaring, til å ta imot kvar enkelt og vegleie fram mot det målet kvar enkelt har sett seg.

Gjennom aktivitetar og oppdrag i kommunen får vi mange ulike arenaer for arbeidstrening, aktivisering og utprøving. Vi har også ei brei kontaktflate i næringslivet for utprøving på ulike arbeidsplassar. Dette vert avklara i løpet av dei fyrste vekene hjå oss, gjennom samtaler og aktivitetar i trygge omgjevnader.

Arbeidsrettta rehabilitering er eit tilbod til dei som står utanfor arbeidslivet av ulike årsakar, eller som har arbeid, men er sjukemelde. Dette tilbodet vert bestilt frå Nav, og fokus er at ein saman med deltakar skal finne ut kva som hemmar arbeidsaktivitet. Trening, helse og kosthald er tema vi nyttar ein del tid på. Vi har tilgang til både treningshall og symjehall, og har faste avtaler for å kunne nytte desse.

Studievegleiing er også eit tema hjå oss. Vi har mange som etterkvart ser at det kunne vore lurt å fullføre tidlegare avbrote studie, eller fylle på med ny kunnskap. Vi har både kunnskap og infrastruktur på plass, som gjer at kvar enkelt deltakar oppfattar dette som eit godt alternativ.

Kontaktinformasjon