Os barnehage stod ferdig i februar og vart åpna 01.03.11.Då barnehagen stod ferdig vart Os, Søfteland og Flåten kommunale barnehagar lagd ned. Alle barna i desse 3 barnehagane fekk tilbod om plass i den nye barnehagen.
Vi har fått eit moderne, spennande bygg som er attraktivt å sjå på og godt å drifte. Barnehagen har 8 avdelingar, der to og to avdelingar delar inngangsparti og smårom som kjøkken og stellerom. Bygget er prega av Reggio Emilia filosofien, interiørmessig vil det seie at romma er lyse og luftige og har harmonisk fargesetting. Barnehagen har fleire fagrom, temakjøkken og storkjøkken som kan nyttast i aktivitetar gjennom dagen. Filosofien legg til grunn barn sine interesser, fokus og utviklingsnivå som styrande for innhaldet i kvardagen, noko som ein alt no ser gjennom barna si utsmykking av fellesarealet “Øyrø”. Namnevalga både på uteområdet og på dei ulike romma inne i bygget ber preg av at ein ønsker lokal tilknytning til Osbygda. Barnehagen har kort veg til skog og turområde som passar både for dei eldste og dei yngste barna i barnehagen.
