Vår visjon: Redusere uverdig fattigdom i Mali og gje innbyggjarane moglegheit, evne og støtte til å oppnå ein berekraftig og sosialt akseptabel livskvalitet. Hovudsatsinga er retta mot helse til nyfødde og kvinner og utdanning av jenter.
Norsk Sahel Sjølvhjelp Organisasjon (NorSahel) blei stifta i mai 2013 og er ein non-profit og uavhengig organisasjon som arbeider for langsiktig utvikling i Mali, Vest Afrika. NorSahel blei stifta av ei gruppe personar som ivrar for god og langsiktig hjelp til landet.
NorSahel har eit breitt nettverk i Mali og har kontor i landet. NorSahel legg tydeleg vekt på hjelp til sjølvhjelp og berekraft, derav namnet. Vi arbeider ut frå ein strategi som skal bistå mottakar til å finne fram til eigne ressursar og ta ansvar for utvikling sjølv. Hjelpa blir kanalisert gjennom nasjonale strukturar og ikkje på sida av desse, nettopp for å sikre bærekraftig utvikling.
