Larsnes skule ligg utruleg fint til. Eit lite stykke oppom sentrum, med Larsnesskogen nær innpå, kort til fjøra og med forsamlingshuset Breidablik, ballbinge og kunstgras på gamle Idrettsplassen til Larsnes IL som næraste naboar. Skulen vert framleis kalla “nyeskulen”, men det var hausten 1993 han vart teken i bruk. Det største byggjefeltet på Larsnes - Hallelia - ligg 5-600 meter frå skulen. Skulen vår er 4-delt og skuleåret 2011/2012 har vi 73 elevar - av dei er 6 førsteklassingar. Skulefritidsordninga er ganske stor og har i dag 21 elevar. Skulen har to gapahukar; ein ved sjøen/Hallevatnet og så den kjempeflotte, store som ligg i enden på Sandmyrane nedom Morkavatnet. Skulen har fleire trimløyper i skogen like ved! 14 tilsette syter for at elevane skal ha det triveleg. Larsnes skule er ein PALS-skule. Vi har 3 fyndord som skal gjennomsyre alt: ANSVAR - RESPEKT - OMSORG.