Hytter i tradisjonsrik byggestil: Våre hytter, bygd mellom 1996 og 1999 i tillegg til nye hytter i 2003 og 2004, er bygd med inspirasjon frå det gamle trehusmiljøet på Gamle Lærdalsøyri, 400 meter frå Lærdal Ferie- og Fritidspark. Hyttene har høg standard, med plass til 4-6 personar, vi anbefaler maks 4 vaksne.
Leilegheiter/hotellrom i moderne byggestil:
I våre leilegheiter, bygd i 2000 og 2002, kan du føle deg som på eit stort komfortabelt hotellrom med mulegheit til å lage mat sjølv. Leilegheitene har enten terrasse eller balkong med utsikt mot Sognefjorden eller mot det gamle trehusmiljøet på Lærdalsøyri.Leilegheitene har dusj, wc, utstyrt kjøkkenkrok, TV og god garderobeplass. God plass for 2 vaksne, og evnt. mulegheit for 1 ekstra person på klappseng.
Campingplass
Vår campingplass med flate asfalterte vegar og godt grasunderlag eignar seg svært godt for både telt, bubil, campingvogn og buss, heile året rundt. Våre sanitæranlegg er av høgst moderne standard. Lærdal Ferie- og Fritidspark vart kåra til årets campingplass 2002 av Norges Caravan Club, og i 2003 til ein av TOP Camping-plassane i Camping Cheque. I 2004 vart Lærdal Ferie- og Fritidspark kåra til den aller beste av TOP Camping-plassane i Camping Cheque nettverket med 4,9 poeng av 5 mulege!
Kafê/restaurant.
Vår kafê- og restaurant er open kvar dag i sommarsesongen, der vi tilbyr middagsrettar, pizza, smårettar etc. Frukostservering for grupper. Utanom sommarsesongen tek vi imot grupper og lag på bestilling. Vi har 50 sitteplassar innandørs og 30 sitteplassar utandørs.
