Hardanger folkemuseum er det eldste folkemuseet i Hordaland, og vart skipa alt i 1911. Hundreårsjubileet vert feira i heile 2011.Museet ligg på neset på Utne. Her kan ein oppleva Hardangerkulturen i naturskjønt landskap.
Administrasjonsbygget er reist i tre omgangar. Fyrste del stor ferdig i 1976, andre del er frå 1987, medan den nye toppetasjen opnar i 2011. I administrasjonsbygget finn ein utstillingslokale, kontor, magasin, storsalen, kafe og verkstader. Kring adminstrasjonsbygget ligg friluftsmuseet med omlag 20 gardshus, naust, skulestove og krambua etter Sjur Svartveit. Hardanger folkemuseum har og avdelingar på Skredhaugen på Lofthus og på Bu.
