Fusa krafltag vart skipa som eit partslag 23. mars 1946 under namnet Strandvik, Fusa & Hålandsdalen Kraftlag, for å skaffa straum til folk og næringsliv i dei tre dåverande kommunane i distriktet. Då kommunane gjekk saman i 1964, fekk laget sitt noverande namn.
Parteigarane i Fusa Kraftlag vedtok i april 2010 at laget skal gå over frå partslag til eit allmennyttig samvirkeføretak. Laget har alltid vore eit samvirke, men selskapform og vedtekter er no tilpassa den nye samvirklova. Det offisielle namnet er Fusa Kraftlag SA.
Kraftlaget med sine 23 tilsette, har sitt administrasjons- og lagerbygg på Stallabrotet i Eikelandsosen.
Fusa Kraftlag er eit fordelingslag som har Fusa kommune som sitt konsesjonsområde. Laget eig og driv eit fordelingsnett med ei samla linjelengde på ca. 580 km., fordelt på 174 km. høgspent, 406 km. lågdpent, og vi har 211 nettstasjonar plassert rundt om i kommunen.
