Frihamnsenteret er ein psykiatrisk spesialistpraksis i Skånevik, med fagleg ansvarleg dr. med. Bjarte Stubhaug, spesialist i psykiatri. Dr. psychol. Gerd Kvale, spesialist i klinisk psykologi, har ein deltidsheimel 20 % ved Frihamnsenteret.
Frihamnsenteret tar imot pasientar tilvist frå lege eller institusjon, og er ein del av Helse Vest si spesialisthelseteneste. Pasientar betaler vanleg eigendel, og får dekka reise- og opphaldsutgifter etter vanlege reglar.
Klinisk tilbud:
Pasientar som blir tilvist av lege får tilbud om konsultasjon for utgreiing, diagnostikk og vurdering av behandlingsmotivasjon.
Behandling kan vere individuell, med regelmessige avtalar, der både psykoterapi og medikamentell behandling kan vere aktuelt, etter tilstand og behov. Behandling kan også vere i gruppe (8 pasientar), med intensive behandlingsprogram over 4 dagar. Slike behandlingsprogram har ulik klinisk profil; førebels har vi etablert spesifikke program for kronisk utmattingssyndrom, CFS / ME, samt mestringsprogram for angst, depresjon og tilstandar med stressplager og mestringssvikt.
Intensivt behandlingsprogram CFS / ME:
Gruppebasert, 8 deltakarar, 4 dagar.
Undervisning: nevrofysiologi, stress og aktivering Stressmestring, oppmerksomhetstrening (OT), mindfulness.
Kognitiv mestringsterapi, symptom- og sjukdomsmestring positiv psykologisk terapi, skriveøvingar og Fysisk aktivitet.
Alt klinisk arbeid er integrert med forskningsstudier for å auke kunnskapen om CFS / ME og studere effekt av systematisk behandling.
