Finnøy Kommune er ein øy-kommune i Rogaland, i hjartet av Ryfylke. På 16 av øyane bur det folk, tilsaman ca. 2700, og kommunikasjonen skjer i hovudsak med ferjer og hurtigbåtar. Kommunen får fastlandsforbinding via tunell til Rennesøy hausten 2009.
Kommunesenteret ligg på Judaberg på Finnøy. Her finn du Rådhuset og mange av kommunens ca. 340 tilsette. Kommunen har 6 skular/oppvekstsentra og ein vidaregåande skule, og her er eit rikt organisasjonsliv. Hovudnæringane i Finnøy er jordbruk, havbruk og turisme.