Velkommen til Engeset Barnehage!
Engeset barnehage er ein kommunal barnehage som ligg nær Volda sentrum og med kort avstand til skog og fjøre.
Barnehagen starta opp i 1989, og har 56 heile plassar, fordelte på 4 avdelingar. Småbarnsavdelingane Tuespretten og Eplehagen har 10 plassar kvar for barn i alderen 1-3 år. Avdelingane Trollhaugen og Skrubbehaugen har kvar 18 plassar for barn i alderen 3-6 år.
Reggio Emilia
I Engeset Barnehage arbeider vi utifrå tenkinga til Reggio Emilia. Reggio Emilia legg vekt på at kunnskap og læring skal ta utgangspunkt i barna sine erfaringar og tankar. Dette opnar opp for stor medverknad og vektlegging av barn si evne til å ta ansvar. Barnesynet handlar om korleis det allereie kompetente barnet lærer, får kunnskap og utviklar seg.
