IO.NO

Mer informasjon

Bokby – village de livres, book town, kirjakylä – er ein liten tettstad med bruktbokhandel som dominerande særpreg. Når handel med brukte bøker no er vorte ei reell vekstnæring, har det fleire grunnar:

• Det har aldri tidlegare vore skrive så mange nye bøker kvart år, og i vanleg bokhandel må bøkene difor fort vika plass for dei nye av året.
• Me kjøper fleire bøker enn før, men skiftande livssituasjonar, oftare skifte av arbeidsplass og av bustad gjer at mange finn det praktisk å kvitta seg med ein del av bøkene dei har samla seg.
• Me har meir fritid, og kan no lesa mange av dei bøkene me ikkje fekk lese før. Men desse bøkene kan som oftast berre kjøpast hjå dei som sel brukte bøker.

Richard Booth starta opp med å selja trailerlass av bruktbøker i den ledige kinoen i heimstaden sin Hay-on-Wye i Wales tidleg i 1960-åra. Han kunne då knapt tenkja seg at denne vesle landsbyen skulle bli staden for opp imot 40 bokutsal, med ein verdskjend svær litteraturfestival kvar vår og med alle dei ringverknader salet har fått, slik som bokbindarverkstader, rammemakarar og andre spesialbutikkar av høg kvalitet. Hay-on-Wye, som den gongen var nesten utdøydd som landsby, blir no besøkt av fleire millionar menneske kvart år.

Dei andre bokbyane som sidan har spreidd seg over heile verda, har ikkje alle vakse seg så store, men alle har synt seg å vera svar på krav i tida. Det er førebels flest bokbyar i Europa.

Om bokbyen i Fjærland Bokbyen i Mundal i Fjærland vart grunnlagd i 1995, og har no ei bokmengd på ca. 200 000 bøker til sals i eit titals utsal av ymse storleikar og opphav: ferjeventerom, fjøs, bank, fryseri og postlokale. At Bokbyen baserer seg på gjenbruk også når det gjeld utnytting av ledige lokale, gjer at bokutsala blir svært originale i utforming.

Her er to store butikkar: Den norske bokbyen AS (som har fleire utsal), Straumsvågs Antikvariat, og fleire mindre som spesialiserer seg på ymse litteraturområde.

Den norske bokbyen er open frå mai til september. Både Straumsvågs Antikvariat og Den norske bokbyen AS har kontorverksemd heile vinteren, og byggjer då opp til neste sesong. Gjennom vinteren er her livleg postordresal.

Den Norske Bokbyen AS holder til på besøksadressen Mundal, 6848 Fjærland. Foretaket ble startet i 1997-08-13 og registrert i brønnøysund-registrene 1997-11-03 og som et Aksjeselskap. Den Norske Bokbyen AS driver i bransjen "Bruktbutikker". Foretaket har 2 registrerte ansatte.

Du kan ta kontakt med Den Norske Bokbyen AS på telefon 57 69 22 10, ved å sende en epost eller besøke deres hjemmeside. Er noe feil på oppføringen? Si ifra eller logg inn og rediger detaljene.

Kontaktinformasjon