Bremnes Seashore har oppdrettslokalitetar i Hardanger, Sunnhordland og Rogaland. Anlegga er lokalisert i 9 ulike kommunar.
Bremnes Seashore har sitt hovedkontor i Øklandsvågen i Bømlo Kommune. Her har verksemda halde til frå starten i 1937. I dei siste åra har selskapet hatt stor vekst og gjennomført omfattande investeringar i bygningar og produksjonsutstyr. I tillegg til administrasjon og teknisk avdeling, har ein i Øklandsvågen topp moderne anlegg for pakking og foredling av laks og aure.
Selskapet har også vore gjennom ein kraftig oppgradering når det gjeld settefiskanlegg og oppdrettsutstyr. Bremnes Seashore har i dag 3 anlegg for produksjon av settefisk, eit i Vindafjord og to i Bømlo, samt eigarandel i Sævereid Fiskeanlegg i Fusa. Oppdrettslokalitetane er spreidd på fleire kommunar i Rogaland, Sunnhordland og Hardanger. Totalt har Bremnes Seashore aktivitet på 20 stader i 9 forskjellige kommunar.
Med vekst og aktivitet på så mange stader har det vore viktig for selskapet å ha gode relasjonar til dei ulike kommuane og lokalsamfunna. Selskapet har derfor lagt vekt på å ha ein god dialog med dei forskjellige kommuneadministrasjonane. Bremnes Seashore har også vore ein aktiv støttespelar i samband med ungdomsarbeid, kultur og idrett i mange lokalsamfunn.
Med 175 tilsette på 20 forskjellige stader og 100 tonn med ulike produkt som skal transporterast ut i verda kvar dag, har Bremnes Seashore vore oppteken av gode kommunikasjonar i vårt nærområde. Trekantsambandet har vore viktig for utviklinga av selskapet, som også har delteke i finansiering av fleire lokale vegprosjekt. Bremnes Seashore er medlem i Bømlo Vegselskap og er aktiv i arbeidet med å forbetra vegstandarden på Bømlo.
